ቀደም ሲል በ23/05/2022 የአፍሪካ ቀን ኮንፈረንስን በተመለከተ ኢትዮጵያ በሊቀመንበርነት ማገልገሏንና ውጤታማ ኮንፈረንስ መካሄዱን መዘገባችን ይታወሳል።

በበዓሉ ላይ ክቡር ብርሃም ክሊል (H.E. Brahim Killil ) በበርሊን የአፍሪካ አምባሳደሮች ዲን የሆኑት የሞሪታኒያ አምባሳደር እንዲሁም የጀርመን ውጭ ጉዳይ ሚኒስቴር ተወካይ ዶ /ር አምባሳደር አክርማን በዓሉን በማስመልከት ንግግር አድርገዋል።

በበዓሉም ከፓርላማ፣ ከመንግስት መ/ቤቶች፣ ከኢንዱስትሪና ንግዱ ማህበረሰብ፣ ከኃሳብ ቋት (think tanks ) ድርጅቶችና የተለያዩ ማህበራት መሪዎች እና አባላት ተገኝተዋል።

በዚሁ በ25/05/2022 በተከበረው በዓል ላይ የኢትዮጵያን የባሕል ምግቦች እና የኢትዮጵያን የቡና ሥርዓት በማቅረብ እንዲሁም ባህላዊ ልብስ በመልበስ በኤምባሲያችን አመርቂ ኢትዮጵያን የማስተዋወቅ ሥራ ተሰርቷል። የቡና ስርዓታችንም ብቸኛና ልዩ ስለነበር የብዙ ተሳታፊዎችን ቀልብ መሳብ ችሏል