የኢፌዲሪ የውሃና ኢነርጂ ሚኒስትር ዶ/ር ኢንጂነር ሀብታሙ ኢተፋ በጀርመን በርሊን ኤምባሲ ለሚገኙ ዲፕሎማቶች በሃገራችን ወቅታዊ ጉዳይ ውይይት አደረጉ። ክቡር ሚኒስትሩ በገለፃቸው ስለሃገራችን አጠቃላይ ወቅታዊ የልማ ት፣ የፀጥታ ፣የሰላምና የመልሶ ግንባታ ሂደት እና ታላቁ ህዳሴ ግድብ ያለበትን ደረጃ በተመለከተ ማብራሪያ የሰጡ ሲሆን በጀርመን የኢፌዲሪ መንግስት ባለሙሉ ስልጣን አምባሳደር ፈቃዱ በየነ በበኩላቸው ሃገራችን እየሄደችበት ያለው የብልፅግና ጉዞ ለማሳካት የበኩላችንን እንድንወጣ ጥሪ አድርገዋል።

በጀርመን የኢፌዲሪ ባለሙሉ ስልጣን አምባሳደር ሆነው የተሾሙት ክቡር አምባሳደር ፍቃዱ በየነ በዛሬው እለት በጀርመን ፌደራል ሪፐብሊክ ውጭ ጉዳይ ሚኒስቴር የፕሮቶኮል ምክትል ኃላፌ ለሆኑት Mr. Felix Schwarz የሹመት ደብዳቤያቸውን ቅጂ አቅርበዋል።

ክቡር አምባሳደር የሹመት ደብዳቤያቸውን ባቀረቡበት ወቅት የሁለቱን አገራት ዘርፈ ብዙ ግንኙነት አሁን ካለበት ደረጃ ከፍ ለማድረግ እንደሚሰሩ የገለፁ ሲሆን፣ ምክትል የኘሮቶኮል ኃላፊው በበኩላቸው ለክቡር አምባሳደሩ መልካም የስራ ጊዜ እንዲሆንላቸው ገልፀው ለስራቸው መቃናት አሰፈላጊው ድጋፍ እንደሚደረግላቸው ጠቅሰዋል ።