በጀርመን የኢ.ፊ.ዴ.ሪ ኤምባሲ ከጀርመንና ሚሲዮኑ በተወከለባቸው አገራት ከተውጣጡ ኢትዮጵያዊያን እና ትውልደ ኢትዮጵያን የአደረጃጀቶች አመራሮች ጋር ነሐሴ 25 ቀን 2014 ዓ.ም በህወሐት ወራሪ ሀይል ለ3ተኛ ጊዜ በአገራችን ላይ በተፈፀመው ወረራ ዙሪያ በዙም ውይይት አካሂዷል::

በውይይቱም ላይ ክብርት አምባሳደር ሙሉ ሰለሞን በጀርመን ፌደራላዊ ሪፐብሊክ ߹ፖላንድ ሪፐብሊክ߹ቼክ ሪፐብሊክ߹ስሎቫኪያ ሪፐብሊክ እና ዩክሬን ልዩ መልዕክተኛ እና ባለሙሉ ስልጣን አምባሳደር ህወሐት የሠላም ጥሪውን ወደ ጎን በመተው በአገራችን ላይ ለ3ኛ ጊዜ ከሌሎች የአገራችን ታሪካዊ ጠላቶች ጋር በቅንጀት የከፈተብንን ጦርነት አውግዘው በተለይም መንግስት አገር ለማዳን ተገዶ የገባበትን ጦርነት በስኬት ማጠናቀቅ እንዲችል እንደ ከዚህ ቀደሙ የአምበሳውን ድርሻ የተጫወተው በውጭ የሚኖረው ኢትዮጵያዊ እና ትውልደ ኢትዮጵያዊ ባሉበት ሁሉ በአንድነት በመቆም የበኩላቸውን እንዲያደርጉ ጥሪ አቅርብዋል::

በውይይቱ ላይ የተሳተፉ የአደረጃጀት ኀላፊዎችም በበኩላቸው ወረራው ያልታሰበና የነበረውን የሠላም ፍላጎት ያጨናገፈ መሆኑን ገልጸው በተለያዩ የማህበራዊ ገጾች የሚሰራጩ አሰተኛ ዜናዎችንና መረጃዎችን ከመመከትና ለአገራቸው ጥብቅና ከመቆም ጀምሮ በጦርነቱ ሳቢያ ለተጎዱ ወገኖቻችን የገንዘብና የቁሳቁስ ድጋፍ ለማድረግ ቃል በመግባት በየአገሩ በየአደረጃጀቶች ስር ለሚገኙ አባላትም መረጃውን በማስተላለፍ በቅንጅት ለመስራት በመወሰን ቁርጠኝነታቸውን አረጋግጠው ስለ ቀጣይ ስራም በዝርዝር አስቀምጠው ስብሰባው ተጠናቋል::