የቼክ ሪፕብሊክ የኢትዮጵያ ህብረተስብ (community ) አባላት ከየኢትዮጵያ ፌ.ዴ.ሪ . ልዩ መልእክትኛ እና ባለሙሉ ሥልጣን አምባሳደር ክብርት ሙሉ ሠሎሞን ጋር በኢትዮጵያ ወቅታዊ ጉዳይ ላይ በ02.10.2021 ውይይት አካሄዱ ።በውይይቱ ስለ ኢትዮጵያ ሠላም ሁኔታ፣ ስለቪዛ፣ ስለ ጋብቻ ምሥክር ወረቀት ፣ወዘተ ለተነሱ ጥያቄዎች መልስ የተሠጠ ሲሆን፣ በቼክ ሪፕብሊክ የኢትዮጵያ ኮሚዮኒቲ በኢንፎርሜሽ ፣ ኮሚዩኒኬሽን ቴክኖሎጂ እና በዲጂታል ሚድያ የተወከልንባቸውን ሀርገሮች ዳያስፖራ የድጋፍ ድርሻ ለመወጣት በሙያቸው ለኢትዮጵያ ለመመከት እና ኢትዮጵያን ለማዳን በአውሮፓ በእስቲርንግ ኮሚቴ ውስጥ ሌት ተቀን በቁርጥኝነት በማገልገል ላሳዩት ከፍተኛ የአለኝታነት ተግበባር የላቀ ምሥጋና ቀርቦላቸዋል።

http://www.digitalinvea.com

The above is the link to apply to get and renew the Ethiopian Nations ID and Passport .

ከላይ የሚታየው ማገናኛ (Link) በመጠቀም የኢትዮጵያ ብሄራዊ መታቂያ አና ፓስፖርት ለማግኘትና ለማደስ የምትችሉ መሆኑን በትህትና እንገልጻለን።

በጀርመን በእሽቱትጋርትና አካባቢው የሚገኙ የኢትዮጵያ ኮሚዩኒቲ አባላት በ24-09-2021 የኢትዮጵያ ፌ.ዴ.ሪ. ልዩ መልእክተኛና ባለሙሉ ስልጣን አምባሣደር ክብርት ሙሉ ሰሎሞን በተገኙበት፡ ከእሽቱትጋርትና አካባቢው ኢትዮጵያ የኮሚዩኒቲ አባላት ጋር ስለኢትዮጵያ ወቅታዊ ሁኔታ ፣ውይይት ተካሂድዋል። በአጠቃላይ የኢትዮጵያን ተጨባጭ ሁኔታና ስላለው የሃገራችን ዘርፈ ብዙ ችግር፡ ገንቢ የሆኑ ሃሳቦችን የያዘ ሰፊ ውይይት አድርገዋል።እንደዚሁም በኢትዮ ብሪጅ እሽቱትጋርት አስተባባሪነት፡ ባለፈው የኢትዮጵያ አዲስ አመት ከእሽቱትጋርትና አካባቢው የኢትዮጵያ የኮሚዩኒቲ አባላት ለህዳሴ ግድብ ድጋፍ የተሰበሰበውን ገንዘብ ለኤምባሲው አስረክበዋ ።በተጨማሪ በእለቱ ለህዳሴ ግድብ የገንዘብ ስጦታ፣ የቦንድ ሽያጭ፡ ፣ ለህዳሴው ግድብ ድጋፍ የሚሆን “ዝም ከምል ብዬ” የእመቤት መንግስቴ መፅሃፍና የህዳሴው ግድብ አስረኛ አመት መታሰቢያ መፅሄት ተሸጧል።የስብሰባው ተሣታፊዎች ለመንግሥት የውጭ ምንዛሪ ድጋፍ ያለማቋረጥ በየወሩ ገቢ ለማድረግ ዝግጁ መሆናቸውን አረጋግጠዋል::በአጠቃላይ በእለቱ ዩሮ 8400.==(ዩሮ ስምንት ሽህ አራት መቶ) በብር 453,684.– ( አራት መቶ ሀምሣ ሶስት ሺህ ስድስት መቶ ሠማንያ አራት ብር) ገደማ ገቢ በመደረጉ ኤምባሲው ለአስተባባሪው ለኢትዮ ብሪጅ ማህበር አመራር እና ለአባላቱ ከፍ ያለ ምስጋናውን ያቀርባል።